A actividade económica do municipio de Santiago ten un importante peso no conxunto da comarca que encabeza, formada ademáis polos concellos de Ames, Teo, Brión, Val do Dubra, Vedra e Boqueixón. En Santiago concéntranse o 77% das empresas da comarca, o 82,4% dos empregos e o 88,4% da facturación. E todo iso cando a poboación compostelá é o 66% do total comarcal, polo que o seu peso económico supera con moito o peso demográfico.
A base económica da cidade de Santiago de Compostela susténtase na actualidade nas actividades terciarias. Existindo unha elevada especialización da cidade neste tipo de actividades. O sector servizos acolle o maior número de ocupados (por conta propia e allea), rexistrando o 74,5%, seguidos da construción e industria.