O Concello de Santiago de Compostela a través da Concellaría de Promoción Económica, Emprego e Turismo, ofrece un Servizo de Apoio á Empresa, que pon a disposición das persoas emprendedoras, empresas e comercios, medios humanos e materiais para axudalos no desenvolvemento, consolidación e crecemento dos seus negocios.
O SAE (Servizo de Apoio as Empresas) cubre as diferentes etapas polas que pasa unha empresa desde que aínda é un proxecto ata que xa está consolidada, coa prestación de servizos de información, orientación e asesoramento, formación, e intermediación laboral. Cada unha destas etapas conta con ferramentas propias e intégrase en programas adaptados ás necesidades que en cada momento presenta a empresa, a persoa emprendedora ou o empresariado.
O SAE é o eixo que vertebra as actuacións da concellaría destinadas a fomentar a cultura emprendedora, potenciando a Compostela como capital de oportunidades, crear un contorno económico empresarial (que inclúe ao sector comercial) innovador, potente e baseado no coñecemento que permita ás empresas de Santiago competir con éxito na nova economía global, xerar emprego de calidade e ampliar a accesibilidade ao mercado laboral compostelán.
A oficina de Promoción Económica articula todos os seus programas de dinamización, defensa e apoio ao comercio da cidade cuxo fin último é o de consolidar a Santiago de Compostela como referente comercial da euro-rexión Galicia-Norte de Portugal, desde unha perspectiva integral de calidade e competitividade.
Para regular todo isto créase:
- Servizo de Orientación Laboral: funcionando como un centro colaborador do Servizo Público de Emprego asesorando os demandantes para a xestión de currículos e para a realización de actividades de información, orientación e busca de emprego. Vai dirixido as persoas que se atopan en desemprego, co fin de orientalas e modificar a situación de carácter sociolaboral tanto se o solicitan expresamente como se o oferta o propio sevizo público de emprego.
- Bolsa de emprego: concíbese como unha vía de entrada no mundo laboral relacionando os demandantes e os oferentes, sendo un espazo integrador das distintas actuacións municipais.
- Programa experimental de emprego: Proxecto crear: Programa Experimental en materia de emprego para o desenvolvemento de itinerarios integrais de inserción que convinen accións de información, orientación e asesoramento, formación, práctica laboral e movilidade, para a mellora da ocupabilidade e a integración no mercado de traballo de persoas con especiais dificultades de inserción ou reinserción laboral.
- Proxecto persoa: ten coma obxectivo promover a integración laboral de persoas desempregadas centrandose nos servizos persoais a coidadores de persoas maiores, de persoas enfermas e discapacitadas físicas ou psíquicas e menores, a través de accións formativas nas que se forman.
- Proxecto Equal Compostela social: é un proxecto orientado a crear iniciativas de autoemprego e dirixido a colectivos con dificultades de inserción no mercado de traballo, desenvolvido no marco da iniciativa comunitaria.
Para materializar todos estes proxectos desenvólvense diversas iniciativas de carácter formativo tanto para adquirir coñecementos como para mellorar a capacitación e mellorar as súas condicións de empregabilidade.
As iniciativas de carácter formativo para facilitar a inserción laboral tanto de empregados e desempregados son:
- Cursos de formación continua: contribue a integración adaptación e promoción das persoas que están traballando, incrementar a súa empregabilidade e considerando a formación como un factor importante para o incremento da produtividade empresarial.
- Obradoiro de Emprego Compostela Natural: os obradoiros de emprego, combinan a formación teórica e práctica. Os beneficiarios da iniciativa adquiren estes coñecementos ao tempo que desenvolven obras ou servizos de utilidade pública para facilitar a inserción laboral, como práctica e experiencia profesional nas ocupacións que se forman.
- Cursos da rede de cooperción Local: están dirixidos a persoas ocupadas, que estean traballando nunha empresa situada en Compostela ou empadroados no Concello de Santiago, ofertando cursos de teleformación e de formación continua.
- Cursos da programación propia do concello: os cursos ían dirixidos a persoas desempregadas e ocupadas no sector da construción e o comercio para o sector comercial e turístico en activo.
- Cursos de Compostela Activa: recolle as actividades de fomento da cultura emprendedora da cidade, onde se fai un asesoramento ás iniciativas empresariais innovadoras, para axudar ás persoas que teñen unha idea de negocio a materializala, organizar un concurso de novas ideas empresariais, e para as empresas que acaban de constituir, contempla unha liña de incentivos.
- Compostela inserta: programa de promoción das destrezas profesionais e desenvolvemento de aptitudes e habilidades para conseguir a plena participación no entorno laboral e social.
Os puntos destacados na realización do noso blog son os relacionados co Proxecto Crear e co Proxecto Persoa dentro do Concello de Santiago de Compostela, ampliando a información relacionada con eles para o seu desenrrolo.