O incremento da actividade industrial en Santiago de Compostela nos últimos anos é un feito indubidable. O número de establecementos industriais que paga o Imposto de Actividades Económicas (IAE) incrementouse significativamente. Esta variación foi debida a evolución da industria transformadora máis que á extractiva, como a localización na cidade da sede social de empresas dedicadas a explotación da enerxía eólica, que obviamente, non teñen actividade productiva no Concello. Así, moitas empresas teñen o domicilio social na cidade, pero non a súa actividade productiva.
Licencias do IAE por sector
Santiago de Compostela, está especializada na actividade de “Fabricación de material electrónico” xa que as tres cuartas partes da facturación total galega procede das empresas localizadas no Concello. É tamén moi elevado o peso da industria da madeira (38,5% da facturación total) e a do papel (29,9%). Son significativamente importantes a reciclaxe, a producción de enerxía.
As artes gráficas aproveitan a situación central da cidade, a presencia da Universidade e o desenvolvemento das actividades culturais en Compostela. É un sector moi dinámico e en continua adaptación ás novas tecnoloxías.